Смеа во Кремљ, каде што се одржуваше ждребката за групи за Светското фудбалско првенство, но и ширум светот тргна спонтано кога Фабио Канаваро од последниот сад, онаа со најслаби репрезентации, го извлече ливчето со името на Саудиска Арабија за членка на групата А. Затоа што таму ја чекаа Египет, Уругвај и домаќинот Русија.
Не е потребно да бидеш многу упатен познавач на фудбалот за да сфатиш дека тоа е далеку најслаба група извлечени за СП идното лето во Русија, пишува хрватскиот портал index.hr.
Репрезентацијата домаќин на СП пред ждрепката по дифолт оди во првата по силина група, без оглед на нејзината реална сила, за да и се олесни минувањето на групата и така во земјата организатор се задржи вниманието и еуфоријата околу СП.
Но, имајќи го на ум дури и тоа правило, Русија преку секоја мерка е почестена веќе со ставање во првиот сад. Затоа што се работи за репрезентација која е 65 листата на ФИФА за „ЛИСТОПАД“ и по главниот критериум би морала да биде во последната, а не првата по силина група.
Значи, Русија е најслабо пласирана на табелата која служи за распоредување по садови од сите 32 репрезентации на СП. Две места пред руската репрезентација е и Саудиска Арабија, најлошата од сите репреземнтации кои на домаќинот можеа да му се допаднат од четвртиот, најслаб сад. И „какво чудо“, Русија од тој сад го доби токму тој противник.
Како Русија котира во светскиот фудбал покажува фактот дека на ФИФА табелата пред неа се Хаити, Буркина Фасо па дури и Зеленортските острови. Од трите последни светски првенства Русија обезбеди учество само на едно, но таму не ја мина групната фаза, додека на последните две „ецроски“ освои вкупно пет бодови.
Затоа, констатираат медиумите, е потребно да и се помогне на Русија како домаќин на СП, во чија организација со директна наредба на Владимир Путин се вложени 10 милијарди евра, да не се посрамоти и ако е можно да ја мине првата групна фаза.
Откако се извлечени групите јасно е дека фудбалски слабата Русија не може да има голема шанса за премин во нокаут фазата ако не е, на пример, во оваа која и ја „подари“ ждрепката.
До сега беше познат поимот „домашно судење“ како еуфемизам за наклонетоста на судиите на домаќинот/организаторот на натпреварувањето, а после извлекувањето на групите за СП во Русија следната година, време е за терминот „домашна ждрепка“. Затоа што откако првенството се игра во проширен формат (од 1982 година со 24 репрезентации и од 1998 со 32), со ждрепка само еднаш е извлечена полесна група од онаа што сега ја доби Русија.
Но, според еден важен критериум, оваа е дефинитивно најлесна.
Ако силата на групата ја мериме по ЕЛО рејтингот, којшто квалитетот на одредена репрезентација го одредува зимајќи ги во обзир нејзините резултати, важноста на натпреварите и местото на одигрување, групата во која се Русија, Уругвај, Египет и Саудиска Арабија има 1720 бодови. Тоа е дури 98 бодови помалку од просекот на сите репрезентации на светското првенство.
Уште повеќе, тоа е најголема разлика меѓу силите на една група на првенството во однос на општиот просек на тоа првенство од 1986-та, откако СП се игра според модерен формат.
Кога се работи, пак, за разлика помеѓу една и останатите групи на СП, онаа што сега ја доби Русија е најслаба во историјата на светските првенства.
Интересно е како Русија три пати избегна мина при отварањето на топчињата. Од вториот сад не можеа да добијат полесен противник, Уругвај никако не е најсилен. Ниту според субјективниот впечаток, ниту пак според ЕЛО рејтингот. Со 1849 бодови се наоѓа на „средината“ од тој сад.
После тоа ждрепката тргна по руска желба. Од третиот сад го добија Египет, според ЕЛО рејтингот втора најлоша репрезентација од тие од садот. И конечно, од четвртиот беше извлечена Саудиска Арабија, најслабата од таму.
И додека оваа група со ЕЛО рејтинг од 1720 е далеку најлоша на СП 2018, нема најнизок скор меѓу сите групи од 1986 година навака. Од неа била полоша само групата „Ф“ на првенството во 2010 година во која беа Италија, Словачка, Парагвај и Нов Зеланд, со незначително помал рејтинг од 1713.
Но, како што е истакнато, кога се работи за разлика меѓу една и останатите групи на СП таа што и се падна на Русија е најслаба досега во историјата на светските фудбалски првенства.
