Во Скопје и во околината вчера се случиле девет сообраќајни несреќи, во кои три лица се тешко повредени, а други две полесно.
Од сообраќај биле исклучени 41 возач, кои се движеле со поголема брзина од дозволената, седум други биле пијани, 13 немале возачка дозвола, информираа денеска од СВР Скопје.
Исто така, 16 возила кои не биле регистрирани се исклучени од сообраќај.
Пајакот подигнал 55 возила, а за непрописно паркирање се издадени 65 казни.
Од СВР Скопје соопштуваат дека во текот на вчерашниот ден 23-ца користеле мобилен телефон за време на управување со моторното возило, а осум не носеле сигурносен појас.
