ВМРО-ДПМНЕ не може да се помири со успешните економски политики на Владата предводена од СДСМ и нејзиниот економски тим и затоа очајнички лажно обвинува.
Просечната плата расте, растат и платите во кожарската, текстилната и чевларската индустрија и тоа е потврдено од официјални институции. Очигледно дека за ВМРО-ДПМНЕ е смешно што просечната нето плата во јануари 2018 изнесува 24.075 денари и е за 5,6 отсто повисока од истиот месец во 2017 година.
За ВМРО-ДПМНЕ е комедија и тоа што 90.000 граѓани денес добиваат повисока минимална плата која изнесува 12.000 денари и смешно им е тоа што трајно се решава проблемот на околу 5000 стечајни работници.
Тоа се сериозни економски мерки што се во интерес на работниците. Тоа не е комедија.
Ниту едно празно обвинување на ВМРО-ДПМНЕ не може да ги засени економските успеси на Владата предводена од СДСМ која што продолжува посветено и одговорно да спроведува мерки во интерес на граѓаните и да поттикнува јавна и транспарентна дебата за секоја значајна реформа.
Таквиот пристап на одговорно и транспарентно работење, останува непозната категорија за ВМРО-ДПМНЕ, реагираат од СДСМ
