Владата предводена од СДСМ се грижи за најмладите и во континуитет инвестира во детската заштита, како еден од клучните столбови на детскиот развој, соопштија денеска од Социјалдемократскиот сојуз на Македонија.
„За пет години, од 2017 година до сега, изградени се 72 градинки низ целата држава, со опфат од околу 5.500 деца. Дел од нив се наоѓаат во рурални или во општини каде досега воопшто немало детски градинки.
Во минатата 2022 година, изградени или доградени се 10 градинки во општините Струмица, Гостивар, Берово, Демир Капија, Крива Паланка, Валандово, Сопиште, Ѓорче Петров, Аеродром и Кисела Вода. Со тоа, само за една година, капацитетите на градинките се згоелемени за над 1.000 деца од целата држава“, велат од партијата.
Оттаму додаваат дека за оваа година е планирана изградба, доградба или адаптација на дополнителни 20 градинки во државата.
Исто таката, напоменуваат, дека за пет години платите на вработените во детската заштита се зголемени за 36 отсто.
