Во Собранието на Република Мекедонија денеска седници ќе одржат комисиите за труд и социјална политика, за еднакви можности на жените и мажите, за образование, наука и спорт и за политичкиот систем и односи меѓу заедниците.
На дневен ред на комисиите за труд и социјална политика и за еднакви можности на жените и мажите и Предлог-законот за изменување на Законот за работните односи.
Комисијата за образование, наука и спорт ќе ги разгледуваат извештаите на ректоратот за работата на Универзитетот „Св. Кирил и Методиј“ во Скопје за периодот од 16 септември 2015 до 15 септември2016 година, за работата на ректоратот и на Универзитетот „Св. Климент Охридски“-Битола за академската 2015/2016 година и Извештајот за финансиско работење за 2016 година на Универзитетот „Св. Климент Охридски“-Битола, за работата на ректоратот на Државниот универзитет во Тетово за периодот 2015/2016 година и Годишниот извештај за работата на Универзитетот „Гоце Делчев“ во Штип за 2015/2016.
Членовите на Комисијата за политичкиот систем и односи меѓу заедниците ќе расправаат по годишните извештаи за работата во минатата година на Државната комисија за одлучување во управна постапка и постапка од работен однос од втор степен, на Дирекцијата за заштита на личните податоци, на Државната комисија за спречување на корупција, на комисијата за воедначување на казнената политика, на Судскиот буџетски совет и реализација на Судскиот буџет за 2016 година, како и за Годишниот извештај на Комисијата за заштита на правото за слободен пристап до информациите од јавен карактер од 1 јануари до 31 декември 2016 година.
