Тркалезни очила за сонце што му припаѓале на Џон Ленон и казна за паркирање на Ринго Стар, наредната седмица ќе бидат понудени на интернет-аукција на „Сотби“.
Поранешниот возач на познатата британска поп-рок група – „Битлс“, Алан Херинг, со години ги чувал овие предмети, но „сега сака само да ги сочувасеќавањата”, како што самиот изјави.
Казната за непрописно паркирање во износ од две фунти, напишана на име на тапанарот во април 1969 година, денес се проценува на околу1.500 фунти (1.770 евра).
Оштетените „ленонки” пак, очила типични за стилот на Џон Ленон во 1960-тите, па сè до неговата смрт, биле заборавени на задното седиште на Мерцедесот 1968 година.
Интернет-наддавањето ќе трае од 6. до 13 декември.
