Илон Маск го откри ново лого за Твитер, избирајќи го „Икс“ (Х) како дел од целокупното ребрендирање на платформата.
Сопственикот на Твитер вчера ја најави промената на дизајнот, но со забелешка дека новото лого „веројатно подоцна ќе се смени, сигурно ќе биде доработено“.
Маск ги повика своите 149 милиони следбеници да ги достават своите графички решенија, и се чини дека го избра логото, кое го означи во неделата преку трепкачко видео закачено на врвот на неговите објави на Твитер.
Логото „Х“ одамна е опсесија на Маск и ја претставува „апликацијата за сите“ што тој вети дека ќе ја лансира во одреден момент – пред да го купи Твитер.
Концептот на „Икс“ е моделиран по примерот на „Вичет“ (WeChat), кинеска апликација која им овозможува на корисниците да извршуваат повеќе функции – од испраќање пораки до нарачување такси и плаќање сметки.
Под бурното управување на Маск откако тој го купи Твитер во октомври, компанијата го промени своето деловно име во „Х Корп“ (X Corp), што е во согласност со неговата визија да создаде „супер апликација“.
