Водата во Скопје е безбедна и квалитетна за пиење покажуваат резултатите од анализите на Секторот за санитарна контролана, извршени во периодот од 18-ти до 22-ри овој месец, информираат од ЈП „Водовод и Канализација“ – Скопје.
„Секторот за санитарна контрола во периодот од 18.11.2019 до 22.11.2019 зема 186 примероци за физичко-хемиска и 186 примероци за микробиолошка анализа на вода за пиење од 39 мерни места во градот Скопје. Согласно добиените резултати од испитувањата, сите примероци одговараат на Правилникот за барања за безбедност и квалитет на водата за пиење, се наведува во соопштението.
Од ЈП „Водовод и Канализација“ – Скопје информираат дека неделниот извештај за квалитетот и безбедноста на водата за пиење е добиен од анализите спроведени во Секторот за санитарна контрола, кој што е всушност прва лабораторија во државата која го акредитира своето работење според стандардот ИСО17025:2018.
