Поранешниот премиер е осуден за поттикнување при набавка на возило „мерцедес“ вреден 600.000 евра, а Ѓоко Поповски е осуден на нови 6,6 години затвор за злоупотреба на својата службена положба, односно поради тоа што не спровел законска набавка
Две години затвор за Никола Груевски и нови 6,6 години за Ѓоко Поповски изрече судечкиот совет на Основниот суд Скопје 1 – Скопје, со кој претседаваше судијката Добрила Кацарска. за предметот познат под името „Тенк“, односно за набавка на блиндиран „мерцедес“ проценет на близу 600.000 евра.
На изрекувањето на пресудата Груевски не се појави, но затоа пред судот беа дојдени 30-тина негови поддржувачи. Непојавувањето на Груевски и не претставува некое изненадување, дотолку повеќе што законот не го обврзува на такво нешто, но и поради тоа што тој секогаш кога имало опасни или ризични ситуации тој знаел да побегне. За волја на вистината Груевски утрово беше во кривичниот суд, но не ја дочека објавата.
За судот е неспорно дека Министерството за внатрешни работи купило службено возило “мерцедес”, за цена од 35.226.000 денари или околу 600.000 евра, а кое што возило било за потребите на обвинетиот Никола Груевски. Имено, Груевски инсистирал на таков тип на возило, а Гордана Јанкулоска, со умисла, го навела Ѓоко Поповски да ја реализра набавката, со тоа што ќе ја фаворизира “Мак Ауто Стар”, но тој, пак, ништо не и приговора на тогашната министерка.
Од телефонските разговите е утврдено дека се инсистирало исклучиво на “мерцедес”, иако луксузна опрема имале и марките “ауди” и “БМВ”. За МВР биле “спорни” брзините, погонот, работната зафатнина на моторот и некои други технички работи. Поповски склучил договор со “Мак Ауто Стар”, а за блиндираниот “мерцедес” МВР платило 35.226.000 денари.
Судот констаторал дека “Мак Ауто Стар”, односно нивен преставник за цели време бил во комуникација со централата на “мерцедес” во Штудгарт. Груевски знаел дека нававката се спроведувала на незаконски начин и затоа во комуникација со Гордана Јанкулоска говори за “она на М”, а таа му кажува дека набавката ќе оди по електронски пат за “да не им ‘улета’ некој друг”, притоа мислејќи на други добавувачи. Гордана Јанкулоска на Сашо Мијалков му кажува дека го примиле возилото, но дека го сокриле во гаражата на МВР за да не го гледале луѓето. Судијата Добрила Кацарска рече дека во овој случај нема кршење на човековите права на обвинетите, бидејќи јавниот интерес е над било чиј индивидуален интерес.
За судот предмет на обвинение не е набавка на возило, туку начинот на кој тоа се реализира, иако одбраната на обвинетите донесе многу сведоци кои посведочија дека МВР има потреба од ново службено возило.
„За Груевски има пет обвиненија и нема застареност во предметот наречен ‘Тенк’, рече судијката Кацарска и појасни дека она што го сторил Ѓоко Поповски само го потврдува делото за кое се товари. Дејствијата на Груевски се неспорни, а се работи за криминални дејанија. Тој ја злоупотребил позицијата премиер, наместо да се однесува домаќински.
За предметот „Тенк“ обвинета е екс-министерката за внатрешни работи, Гордана Јанкулоска, но нејзе, поради ризична бременост, ќе и се суди во во издвоена постапка, а судењето е закажано за 28. овој месец.
(Извор: Правосудтсво.мк)
