Инвеститорите од „Волстрит“ се соочуваат со две пречки кои би можеле да го прекинат силниот раст од месец и половина: со последната овогодишна седница на Банката на федерални резерви (ФЕД) во годината и со објавата за инфлацијата во ноември.
Во меѓувреме, економските податоци укажуваат на меко приземјување на економијата, што не е добра вест за акционерите.
Минатиот месец во САД беа отворени нето 199.000 нови работни места, а стапката на невработеност падна (од 3,9 отсто) на 3,7 отсто.
Двата податоци беа подобри од прогнозите и најдобриот показател дека ФЕД засега (иако ја зголеми каматата на дури 5,50 отсто) успева во својата желба инфлацијата да ја приближи до два отсто, а притоа да обезбеди „меко слетување“ на економијата. Со други зборови: на Америка засега не и се заканува рецесија.
Сепак, токму поради тоа ФЕД може да биде многу внимателен околу евентуалното намалување на каматите, што не е добро за берзата.
На нови навестувања нема да мора долго да чекаме, затоа што оваа недела американската централна банка ќе се состане за последниот состанок во годината.
Каматните стапки речиси сигурно нема да се променат, но ќе биде интересно да се слушне дали навистина планира прво намалување на каматите веќе во март.
Самата надеж дека ФЕД порано од очекуваното ќе почне циклус на олабавување на монетарната политика предизвика силен раст на берзанските индекси ширум светот во ноември, а оптимизмот продолжува (во инаку нешто помирен ритам) и во декември.
Њујоршкиот СиП 500 (S&P 500) индекс во минатата недела порасна за 0,2 отсто, што значи дека шести пат по ред напредуваше на неделно ниво. Таква позитивна низа не е видена од март 2022 година. СиП е само четири отсто оддалечен од рекордното ниво.
Бидејќи периодот пред Божиќ е традиционално поволен за раст на берзанските индекси, повеќето очекуваат дека така ќе биде и оваа година.
Меѓутоа, предупредувањето е дека инвеститорите веќе ги вградиле сите оптимистички очекувања во цените на акциите, така што дури и малку лоши вести може брзо да го сменат трендот. На пример, објавувањето на свежи податоци за инфлацијата.
Во вторник ќе се знае вредноста на индексот ЦПИ (CPI) за ноември, ако биде повисока од очекуваната, индексите веројатно ќе тргнат кон долу.
Во меѓувреме, се повеќе и повеќе аналитичари се зафатени со изготовка на предвидувања за тоа што ќе донесе следната година. Повеќето предвидуваат раст на берзанските индекси. Ова ќе биде изборна година во САД и Бајден нема да дозволи економијата премногу да забави.
Стратезите на банката „Ситигруп“ веруваат дека американската економија навистина може да се носи со заканата од рецесија, но дека добивката на фирмите сепак ќе закрепне (повеќе од 10 проценти во просек, според нив), поради што индексот СиП 500 го гледаат на 5.100 поени на крајот на 2024 година што е нешто помалку од 11 отсто повисоко од сегашното ниво. Очекуваат висока нестабилност и предлагаат стратегија „купи го падот“ (buy the dip), односно купување акции при секој пад.
Во „Велс Фарго“ (Wells Fargo) велат дека пазарот во моментов има мал потенцијал за понатамошен раст (и уште толку повеќе за пад), но сепак целната вредност на СиП за крајот на 2024 година ја поставуваат на 4.700 поени, што е малку над сегашната вредност.
Историски гледано, просечниот раст на СиП 500 индексот беше десет проценти секоја година. Малку се оние кои песимистички гледаат на 2024 година, но аналитичарите на банката ЈП Морган се истакнуваат потенцирајќи дека акциите во моментов се преценети. Според нив, СиП до крајот на следната година ќе падне на 4.200 поени, што претставува пад од девет отсто во однос на сегашната вредност. Поголемите трошоци за задолжување и се повнимателниот американски потрошувач (заштедите од епидемијата „пресушуваат“) би требало овојпат навистина да ја забават економијата, што до некаде веќе и се случува.
„Од таа причина, претпоставуваме дека не чека уште една година на потпросечни заработки и раст на приходите, без зголемување на маржи и со ниски дивиденди“, пишуваат тие и додаваат дека добивките на компаниите од СиП 500 индексот се очекувани следната година да пораснат само два до три отсто во однос на оваа година.
После следењето на берзанските пазари со неверојатна сличност во изминатиот период, тие во петокот го „скршија“ тој образец. Цените на обврзниците паднаа, а со тоа и нивниот баран принос, на американската десетгодишна обврзница за 10 базични поени, на 4,23 отсто, а на двегодишната за 13 поени (најголем еднодневен раст во речиси пет месеци), на 4,715 проценти.
Пазарот на труд во САД во ноември беше прилично силен, а растот на платите повисок од предвидувањата.
Сè уште нема вистински причини ФЕД да ја „смени плочата“. Со видливото олеснување на финансиските пазари во ноември, уште помалку. Шансите дека ФЕД навистина ќе ги намали каматните стапки во март сега повторно се помалку од половина, дури и после настаните на терминските пазари. Да додадеме дека, според мерењата на Универзитетот во Мичиген, довербата на потрошувачите значително се подобри во декември (после четири месеци пад), а инфлациските очекувања (за една година однапред) значително паднаа – од 4,5 на 3,1 отсто.
(Извор: СЕЕбиз.еу / Фото: ЕПА)
