Поранешниот американски претседател Барак Обама и неговата сопруга Мишел им се обратија вчеравечер на делегатите на конвенцијата на Демократската партија, каде што и дадоа поддршка на Камала Харис во трката против Доналд Трамп, велејќи дека таа е личност која сака на сите луѓе да им даде еднакви шанси.
Како прв црн претседател во американската историја, Обама има голем политички углед, а на конвенцијата на Демократската партија имаше бројни зборови на поддршка за Камала, која, доколку победи на изборите во ноември, ќе стане првата жена на чело на САД.
„Не знам за вас, но се чувствувам возбудено“, рече Обама во обраќањето пред делегатите на партиската конвенција во Чикаго.
„Имаме можност да избереме личност која цел живот работи на тоа на сите луѓе да им пружи еднакви жанси, истито онакви какви што Америка и пружи на неа“, истакна тој.
Поранешниот претседател почувствува потреба на хумористичен начин да ја коментира опсесијата на Трамп со големината на публиката.
Гестикулираше со рацете, што присутните го протолкуваа како хумористична забелешка за опседнатоста на републиканецот со големината, по што во салата одекна смеа.
Со Барак Обама на сцената во Чикаго беше и неговата сопруга Мишел, која многу демократи сакаат да ја видат во иднина како претседател.
„Америко, ни се враќа надежта“, рече таа, на силен аплауз од присутните.
Мишел Обама во својот говор го чепна републиканскиот кандидат Доналд Трамп.
„Тој човек направи се што можеше за кај луѓето да предизвика страв од нас, за луѓето да се плашат од нас“, рече таа, мислејќи на себе и на нејзиниот сопруг, кој престојуваше во Белата куќа од 2009 до 2017 година.
Неговите ограничени светогледи и погледи на светот доведоа до тоа да се згрозува од појавата на двајца вредни, високообразовани, успешни луѓе, кои уште па и се со црна боја на кожата“, нагласи Мишел Обама, после што доби уште еден громогласен аплауз од публиката.
„Кој ќе му каже дека работата за која повторно се пријави би можела да биде само една од тие ‘црни работ’?“, праша таа, што ги насмеа присутните.
Потпретседателката на САД и кандидатка на Демократите за нова претседателка, Камала Харис, на конвенцијата „дојде“ преку виртуелен пат, од предизборниот собир во Милвоки. Делегатите во Чикаго во тој момент подигнаа транспаренти со зборот „Слобода“. Интересно, Харис се јави од истото место од каде што пред еден месец републиканците ја одржаа својата конвенција и официјално го избраа Доналд Трамп за свој кандидат.
Харис, во својот говор, го критикуваше Трамп, кој рече дека ниту малку не жали за одлуката на Врховниот суд од 2022 година, со која е укината пресудата „Рое против Вејд“ од 1973 година. Станува збор за пресуда која на жените им донесе уставно право на абортус.
„Верувам дека лошото однесување не може да помине неказнето. Ќе се погрижиме тој да се соочи со последици, а тоа ќе се случи на гласачките места во ноември“, порача Харис.
Во претстојната кампања, демократите гледаат на правото за абортус како едно од прашањата што може да им донесе победа.
На конвенцијата на Демократите присуствуваа и познати јавни личности како што се раперот Лил Џон, режисерот Спајк Ли и актерот Шон Астин.
(Фото: Соул Леб – Мендел Н’ган / АФП)
