Дека големите берзански играчи често се на вистинската страна се покажа на пазарот на нафта, кога хеџ-фондовите во август ги зајакнаа своите долги позиции, после што следеше значително зголемување на цената на суровата нафта.
Но, кривата, во последните две недели нагло се сврте надолу, бидејќи вредноста на нафтата падна за повеќе од 10 отсто и заврши на најниското ниво од крајот на август.
Американската лесна нафта сега е значително под 80 долари, а Брент сè уште некако се држи над таа граница.
Трговците повеќе не водат толку големо внимание на понудата. Саудиска Арабија и Русија за време на викендов потврдија дека остануваат верни на своите намери да го намалат производството до крајот на оваа година, а нема стравувања од уште поголеми напнатости на Блискиот Исток.
Главната грижа овде се Европа, која е на работ на рецесија, и Кина, каде макроекономските податоци се уште се полоши од очекуваните.
Извозот веќе шест месеци и е во континуиран пад, во октомври е намален за 6,4 отсто во однос на ланскиот октомври.
