Претседателот на Собранието, Талат Џафери, го потпиша решението за распишување на локалните избори, членови на општините и членови на градот Скопје, но и за градоначалници на општините.
„Ова го направив согласно законската обврска, која ја имам како претседател. Според законските одредби, локалните избори ќе се одржат на 15 октомври. Решението ќе биде доставено до ДИК“, рече Џафери.
Тој апелираше до сите учесници во изборниот процес, да се однесуваат онака како што налагаат уставот и законските норми и со тоа, да обезбедат фер изборен процес.
Изборната кампања започнува 20 дена пред одржување на изборите.
Собранието ќе работи но нема да има пленарни седници, со цел пратениците да се посветат на кампањата.
