Земјотрес со јачина од 5,2 степени според Рихтеровата скала ја погоди вечерва во 22.31 минута по локално време централната турска регија, соопшти Европскиот медитерански сеизмолошки центар за новиот потрес после оној, разорниот, што се случи на 6 февруари во кој загинаа повеќе од 46.000 луѓе во Турција и соседна Сирија.
Епицентарот е во областа Кахраманмараш, турски регион кој исто така беше погоден од првите земјотреси на 6 февруари, на длабочина од 10 километри.
„Повеќе од 5.700 последователни потреси се регистрирани по првиот разорен земјотрес чија јачина беше 7,7 степени по Рихтер“, изјави денеска директорот на турската Агенција за управување со катастрофи и вонредни ситуации (АФАД), Јунус Сезер.
Бројот на загинати во Турција се искачи на 40.642, а во Сирија со денови има извештаи за повеќе од 5.800 смртни случаи.
Засега нема информации за повредени и какви нови штети настанале.
Околу 13.000 спасувачи и понатаму го продолжија трагањето и спасувањето во најтешко погодените провинции Хатај и Кахраманмараш, истакна Сезер, најавувајќи дека мисијата треба да заврши доцна во недела.
Денес, спасувачите извлекоа две лица, живи, после речќиси 300 часа под урнатини.
Бројот на загинати се очекува дополнително да се зголеми, со оглед на тоа дека во Турција околу 345.000 домови се уништени, а многу се уште се водат како исчезнати.
Додека Турција се справува со својата најголема современа катастрофа што ја погоди земјата, расте стравот поради трагедијата во Сирија каде што Светската програма за храна ги притиска бунтовничките власти во северозападниот дел на земјата да престанат да го блокираат пристапот до подрачјето за да им се помогне на стотиците илјади луѓето погодени од земјотресот.
На Конференцијата за безбедност во Минхен, Дејвид Бисли, директорот на хуманираната организација, рече дека сириската и турската влада соработуваат многу добро, но дека нивните операции во северозападна Сирија се соочуваат со пречки.
Подрачјето најпогодено од земјотресот, каде што граѓанската војна беснее речиси една деценија, е во северозападниот регион, кој е под контрола на бунтовниците кои се борат против претседателот Башар ал Асад. Тамошниот конфликт ја отежна испораката на хуманитарната помош.
Илјадници Сиријци кои побараа засолниште во Турција поради граѓанската војна во нивната земја, деновиве се вратија во своите домови во воената зона.
