Турскиот министер за внатрешни работи, Али Јерликаја, денеска изјави дека двајца „терористи“ извршиле бомбашки напад пред зградата на министерството во Анкара. Едниот напаѓач е убиен, а другиот е „неутрализиран“.
Турските медиуми претходно јавија за експлозија во близина на зградите на парламентот и МВР.
„Тоа беше терористички напад“, изјави министерот Јерликаја.
„Двајца терористи во воено возило се појавија околу 9.30 часот пред влезот на Генералната управа за безбедност на нашето МВР и го извршија нападот“, рече Јерликаја.
„Двајца полицајци се полесно повредени“, додаде министерот.
На социјалните мрежи се појавија и снимки од нападот.
A video of the moment of the attack this morning in Ankara #Turkey pic.twitter.com/zMTbyCYAzR
— Michael A. Horowitz (@michaelh992) October 1, 2023
Ankara'daki patlama anı. pic.twitter.com/2NXAdQDoEu
— ANKARA GAZETECİSİ (@ankaragaztecisi) October 1, 2023
Засилени се мерките за безбедност околу зградата на Парламентот и таа на МВР, кои се во непосредна близина.
Парламентот продолжува со работа по летниот одмор, а се очекува дека сите парламентарци, вклучително и претседателот Реџеп Таип Ердоган, утре ќе бидат во парламентот, јавува Ал Џезира.
(Фото: Анадолу агенси / АФП)
