Во јуни и јули во Австрија од топлото време починале 646 луѓе, соопшти австриската Агенцијата за здравје и безбедност на храната (АФСА).
Според податоците на АФСА, во јуни од топлотниот бран починале 395 лица, а во јули регистрирани се 251 смртен случај.
Австриското Министерство за здравство наведе дека тоа е рекордна бројка на смртни случаи за тој период. Во јуни и јули во 2024 година имало 570 починати, додека една година претходно од топлото време починале 284 лица.
Новиот број на смртни случаи поврзани со жештината уште еднаш покажува колку топлотниот бран влијае врз здравјето на луѓето, соопшти Министерството за здравство.
Во Визелбург, Долна Австрија на 31 јули беше измерена температура од 40,3 Целзиусови степени, што е рекордна температура во јули во Австрија.
