Под покровителство на Град Скопје викендов на неколку локации низ градот ќе се одржи третиот Скејтбординг натпревар ONE MORE TRY Skopje.
Станува збор за еден малку поразличен скејт настан, кој се одржува еднаш годишно и е единствен од ваков тип во регионот.
Натпреварот е отворен за скејтери од сите возрасти.
Скејтерите денеска ќе се натпреваруваат на две локации.
Првата локација е кејот на Вардар, под Камениот мост, каде ќе се одржи класичен
„Cash4Tricks” натпревар.
Висината на наградата ќе зависи од сложеноста, стилот и успешното слетување на трикот.
Потоа натпреварот ќе продолжи на новоотворениот полигон Pump Track кај Олимписки базен, каде ќе се наградуваат најбрзите.
Утре пак ќе се одржи демо сесија од неколку мини игри на спортското игралиште на поранешната спортска сала „Партизан“ во Градскиот парк.
