Земјотрес со јачина од 6,3 степени според Рихтеровата скала го погоди денеска главниот филипински остров, соопштија властите. Потресот во целост го запре подземниот железнички сообраќај во главниот град Манила.
Нема извештаи за жртви или поголема материјална штета од земјотресот, чиј епицентар е во морето на длабочина од 10 километри и се почувствува во околните провинции, објави Филипинската сеизмолошка агенција.
Министерството за транспорт соопшти дека поради потресот три е запрена работата на три надземни железнички линии во Манила.
„Железниците и аеродромите ја прекинаа работата. Засега нема извештаи за поголеми последици и се надеваме дека така ќе остане“, изјави портпаролот на цивилната одбрана и државен потсекретар, Бернардо Рафаелито Алехандро, за ГМА телевизија.
Сведок на Ројтерс изјавил дека се треселе таванските светла во хотелот во еден од деловните области на Манила каде што претседателот Фердинанд Маркос Џуниорзборуваше со новинарите, по учеството на меѓународниот трговски форум.
Градоначалникот на Калатаган, Питер Оливер Паласио, град одалечен само пет километри од епицентарот, во изјава за радиото ДЗММ истакнал дека земјотресот бил вртоглав, и додал дека градскиот Инженерски оддел добил инструкции да провери дали има штета.
Сеизмолошката агенција првично го регистрираше земјотресот со јачина од 6,2, но подоцна тоа го промени во 6,3. Од таму известија дека очекуваат пријави за настанати штети, но и други последователни потреси.
(Фото: АФП)
