Бројот на новозаразени со корона вирусот во Белгија во претходната недела надмина 28.000, со што е срушен рекордот по бројот на дневно пријавени инфекции од почетокот на пандемијата.
Во однос на претходната недела, бројот на заразени на дневн ниво во Белгија скокна за 86 отсто.
Од денеска во таа земја на сила се нови мерки кога станува збор за задолжителен карантин и ПЦР тест после високоризични контакти.
Луѓето кои примиле бустер доза, или се во рамка од пет месеци од основната вакцинација, повеќе нема да мора да одат во карантин или да се тестираат по контакт со лице од „висок ризик“.
Оние кои сеуште не примиле дополнителна доза или примиле втора доза пред повеќе од пет месеци, сепак ќе мора да бидат во седумдневен карантин, со можност да заминат после само четири дена со негативен антигенски самотест.
Невакцинираните лица мора да бидат во карантин десет дена.
Во Белгија, без оглед на статусот на вакцинација, од сите граѓани се бара да работат од дома, да избегнуваат контакт со ризични лица и да носат маски ФФП-2.