Шведскиот Врховен суд денеска одлучи дека Грета Тунберг и стотици други млади активисти не можат да ја тужат државата пред шведскиот суд за недоволна акција против климатските промени.
Во 2022 година, активистите поднесоа заедничка тужба до Окружниот суд тврдејќи дека државата ги крши нивните права според Европската конвенција за човекови права со тоа што не прави доволно за да ги ограничи климатските промени или да ги намали нивните ефекти.
Во 2023 година, Окружниот суд побара од Врховниот суд да се изјасни дали може да се поведе граѓанска постапка пред шведскиот суд врз основа на такво заедничко барање, откако државата побара да се отфрли случајот.
– Судот не може да одлучи дека Парламентот или Владата мора да преземат некоја конкретна акција. Политичките тела самостојно одлучуваат какви конкретни климатски мерки треба да преземе Шведска, се наведува соопштението на Врховниот суд.
Околу 300 тужители, нарекувајќи се група Аурора, побараа Окружниот суд да и наложи на Шведска повеќе да се ангажира во ограничување на глобалното затоплување на 1,5 степени Целзиусови.
