Злосторството и казната денес станаа тирустичка атракција, заради што се отвараат музеи посветени на некогаш суровите злосторници.
Корисно е да се посетат, затоа што така на најдобар начин се гледа како општеството ги казнува престапниците и дали е полицијата секогаш чекор пред криминалците.
Виена, Музеј на криминалот
За да се посети Музејот на криминалот, сместен во самото срце на градот, треба да се имаат јаки нерви, затоа што тука се документирани сите најголеми криминални случаи и случаи на заговори во Австрија.
Се наоѓа во зграда од 1685 година и дава целокупен приказ на криминални дела, од среден век, преку атентаторите на царското семејство, па до современите славни криминалци.
Ротембург, Музеј на средновековниот криминал
Преубавиот град Ротембург се наоѓа на „романтичната рута“, но во себе крие и Музеј на средновековен криминал.
Во музејот се чуваат стотина оригинални предмети од цела Германија кои илустрираат какви биле судењата и инструментите за мачење и како се извршуваче смртните казни.
Њујорк, Музеј на американските гангстери
Многу интересниот Музеј на американските гангстери е со големина на еден стан и во него се чуваат необични спомени, како на пример куршуми, пиштоли, посмртни маски и останати предмети кои им припаѓале на Дилинџер, Ал Капоне, Лаки Лучијано и на Џон Готи.
Лондон, Музеј на Џек Трбосек
Бидејќи со години турата „Патиштата на Џек Трбосек“ биле најпопуларна, во полицијата на источен Лондон е отворен музеј посветен на најпознатиот убиец од 19 век.
Најинтересна е холографската презентација на последните часови од животот на жртвите на Трбосек.
Комплетната изложба е, впрочем, посветена на форензиката.
Вашингтон, Меѓународен музеј на шпиони
Затоа што заговорите и тероризмот секогаш се на насловните страници на весниците, во Вашингтон е отворен музеј кој ја прикажува историјата на разузнавачките и шпионските служби.
Предметите кои ги користеле агентите, како и шпионските помагала, низ интерактивна поставка претставуваат своеврсна почит за Џемс Бонд.
