Никола Димитров денеска и утре ќе престојува во прва работна посета на Велика Британија.
Домаќин на Димитров ќе биде британскиот државен министер за Европа, сер Алан Данкан, соопшти македонското МНР. Шефот на македонската дипломатија во Лондон ќе има билатерални средби со британски парламентарци, како и одделна средба со Комисијата за надворешни односи во Горниот дом на Парламентот.
Во рамки на посетата, министерот Димитров ќе учествува и ќе се обрати на конференцијата „Democracy UK: Global Values in an Uncertain World“, што ја организира Вестминстер Фондацијата за демократија (WFD) по повод 25-годишнината од нејзиното основање.
Се очекува за време на посетата на Димитров на Лондон да биде потврдена британската поддршка за евро/атлантските интеграции на Република Македонија, а ќе се разговара и за унапредување на билатералните односи, преку конкретни проекти во различни области на соработка, истакнуваат од МВР.
