Лилјана Затуроска од ВМРО-ДПМНЕ во изјава за медиумите рече дека „Санос“ наместо да одговори уште повеќе се заплеткува во скандалот бидејќи јавноста не видела работен процес, а ниту работниците.
Затуровска вели дека тие не кажале, како фирма со 3 вработени, бројка која во јавноста била објавена, успеале да произведат 5 и да најават извоз на 70 други автобуси.
„Овде се работи за измама која може да се запише во Гинисовата книга на рекорди. Во ваква крајно сомнителна зделка уште посомнително е што Зоран Заев најави дека ќе и доделува државни субвенции во милионски износи.
„Граѓаните со право се прашуваат како се трошат нивните пари и дали се прават малверзации од кои ќе се одлеваат пари на приватни сметки, рече Затуроска.
Таа побара јавноста да биде информирана колку вработени има „Санос“ и дали тие изработуваат или само репарираат автобуси, бидејќи тоа е клучно околу исплатата на средства или поврат на ДДВ.
Затуроска додаде дека според нивните информации има само тројца вработени и рече дека работа на обвинителството е да провери дали се работи за измама која завршува како криминал.
