Шест лица загинаа вчера кога мал авион удри во празна двокатна деловна зграда во предградието на италијанскиот град Милано, соопшти италијанската полиција.
Како што пренесуваат медиумите, во авионот се наоѓало француско семејство и меѓу жртвите е и едно дете.
Новинската агенција Ла Пресе цитираше пожарникари од местото на несреќата дека пилотот и сите пет патници настрадале и дека уште не се знае нивната национална припадност.
Противпожарната служба немала информации дека уште некој друг настрадал во падот на авионот во близина на метро станицата Сан Донато Миланезе, во малата населба близу Милано.
Од службата додале дека неколку автомобили на блискиот паркинг биле запалени, но се чини дека никој во тој момент немало во возилата.
„Скај ТГ24“ информираше дека авионот полетал од аеродромот Линате и требало да слета на Сардинија.
Луѓето што живеат во близина слушнале страотна експлозија во моментот кога авиоот удрил во зградата.
(Фото: АП)
