Од ВМРО-ДПМНЕ сметаат дека судот вчера донел срамна одлука.
„Судот вчера падна под притисокот на СДС и нивните медиуми, СЈО и политичките случаи кои ти ги сценираат. Во изјава за медиуми рече Орце Ѓоргиевски
Вчерашната одлука на судот го погреба концептот на правна држава. Одлуката за притвор која ја донесоа нема никаква правна основа, туку е партиско политичка нарачка која треба да го означи политичкиот прогон во Република Македонија.
Судот вчера потклекна на притисоците. Судот вчера стана дел од сценариото на СДС и СЈО со кој започна да ги заплашува сите кои не размислуваат како Зоран Заев. Интегритетот и независноста на судството е доведено во прашање.
Целта на овој притисок е јасна, да се заплашат сите оние кои се подготвени да се спротивстават на престојното распродавање на националните и државни интереси. Пораката на вчерашната одлука е или сите ќе клекнете на колена и ќе се откажете од борбата за Македонија или сите ќе заглавите во затвор.
Им порачуваме, никој нема да го исплашите, особено не тие кои се подготвени да стојат на браникот на државата и нејзините интереси.
Ништо не е вечно. ВМРО-ДПМНЕ наскоро ќе се врати на власт и сите срамни и неправедни одлуки ќе бидат преиспитани, а секој што не работел согласно закон, туку под политички диктат ќе сноси одговорност.
