Грчкиот Парламент во јануари ќе ја ратификува поканата за НАТО, за потоа овој процес да продолжи и со другите земји, изјави лидерто на ДУИ, Али Ахмети на вчерашната дебата во телевизија Клан Македонија.
Тој уште еднаш јасно застана против идејата за органиизрање предвремени парламентарни избори .
„Предвремените избори не се решение за актуелните проблеми, а особено за веќе почнатиот процес. Грчкиот Парламент во јануари ќе ја ратификува поканата за НАТО, за потоа овој процес да продолжи и со другите земји. Тоа е еден неповратен процес. Повторно велам дека ќе најдеме енергија да ги поминеме овие настани без болка и без последици за процесите. Главната одговорност тука спаѓа врз СДСМ. Секако дека и ние не можеме да избегнеме од одговорноста, но има многу ресори каде ние немаме влијание. Таму, СДСМ има повеќе влијание како поголема политичка сила, изјави Ахмети во емисијата „Дебата„ на ТВ Клан Македонија.
Ахмети кажа и дека ДУИ се уште не се откажува од идејата за консезуален претседател.
„Ние сакаме конзесуален претседател и секако дека можеме да зборуваме и за имиња, но за тоа е многу рано, потенцира Ахмети.
Ахмети негираше дека се дискутирало за нова владина реконструкција.
„Важните работи се движат во добра насока, иако не е направена детална анализа за нашите функционери. Не сакам да искажувам мое индивидуално мислење, без конкретна анализа. Овие работи ги дискутираме со партиските органи, но и со партнерите во коалицијата, затоа што одговорност и анализа ќе има.
„Политиките треба и се праваат заедно и нормално е дека ќе ги дискутираме„, рече лидерот на ДУИ на гостувањето во ТВ Клан Македонија.
