„Здравствените работници ја заслужуваат најголемата почит и благодарност за хуманоста, грижата и пожртвуваноста. Во оваа борба со КОВИД-19 вие сте хероите“, порача премиерот во заминување, Зоран Заев, на вчерашната церемонија на доделување признанија за здравствените работници, кои работат во ковид-центрите.
Зоран Заев и министерот за здравство Венко Филипче, на директорите и менаџерските тимови на клиниките од јавното здравство кои најнепосредно беа вклучени во борбата со пандемијата од КОВИД-19, им предадоа плакетите што ќе им бидат врачени на над 8.500 здравствени работници во земјата за нивното пресудно и исклучително важно учество справувањето со последиците од вирусот и епидемијата.
„Тоа се признанија што Владата ги доделува во име на народот и во име на благодарноста за тоа што вие и вашите колеги останавте до крај посветени и дадовте сè од себе за да го спасите, зачувате и подобрите здравјето на нашите граѓани, на вашите пациенти. Огромен товар падна на вашиот грб и ја заслужувате најголемата почит и благодарност за хуманоста, грижата и пожртвуваноста. Во оваа борба со КОВИД-19 вие сте хероите. Ви благодарам од имено на целиот наш народ“, рече Заев.
Тој им оддаде почит на сите кои во изминатите две години починаа од последици од КОВИД-19.
Заев истакна дека благодарение на навремените мерки и одлуки, македонскиот здравствен систем во текот на целата ковид криза функционира без застој.
Премиерот во заминување подвлече дека и во Буџетот за 2022 година здравството и здравјето на граѓаните е првиот од четирите приоритети.
На настанот на кој започна со едноминутно молчење во спомен на починатите од КОВИД-19, премиерот Заев истакна дека беа преземени соодветни и ефикасни мерки за да се запре фаталната природа и непредвидливоста на вирусот, да се намалат ризиците и да се пружи соодветна терапија и медицинска нега на заболените.
Меѓу наградените лекари и другиот медицински персонал не е името на Злате Мехмедовиќ, лекар специјалист по јавно здравје, истакнат пулмолог и поранешниот директор на Здравствен дом – Скопје.
Поинаквиот став за справувањето со пандемијата со ковид-19 го „исфрли“ од листата на наградени,
Д-р. Злате Мехмедовиќ
Изоставувањето на Мехмедовиќ од списокот на наградени предизвика лавина жестоки реакции на социјалните мрежи.
