Индиската Влада е во состојба на готовност, додека источниот брег на земјата се подготвува за удар на тропски циклон.
Официјални лица изјавија дека мораат да евакуираат 800.000 луѓе од државата Одиша на побезбедни места.
„Околу 20.000 луѓе веќе се преселени, изјави Прабхат Ранјан Мохапатра, висок офицер во канцеларијата за итна помош.
Тој соопшти дека тимовите се распоредени и се очекува 14-те области во земјата да бидат под влијание на циклонот Фани.
Индиската Национална агенција за справување со катастрофи претходно неделава соопшти дека силниот циклон ќе го погоди брегот на Одиша на 3 мај со брзина на ветрот од 175-185 до 205 километри на час.
