Вкупно 25.095 тони тутун се преземени досега, 10 дена дена пред завршување на законскиот рок за откуп, што е 5.000 тони повеќе од првичните проценки за целата реколта 2016.
Годинава тутун откупуваа девет претпријатија на вкупно 130 пунктови.
Се очекуваше да бидат откупени околу 20.000 тони тутун.
Поголемиот дел од пунктовите се веќе затворени, но според Законот, ако некои производители дополнително пријават количини, откупното претпријатие одредува ден кога ќе го отвори пунктот за да го преземе преостанатото количество тутун.
Според информациите од Министерството за земјоделство, шумарство и водостопанство постигната е просечна цена од 196,82 денара за килограм или 14 денари повеќе од ланската која изнесуваше 182 денара.
Исплатата за преземениот тутун, наведуваат од министерството, е 98 отсто реализирана или досега биле исплатени 4,848 милијарди денари.
