Македонија и натаму ги исполнува условите за визна либерализација, но за тоа ќе треба да ги исполнува реформите за спречување на организираниот криминал и корупцијата, како и борбата со нерегуларната миграција.
Ова е дел од заклучокот на еврокомесарот за миграција Аврамопулос, за земјите од Западен Балкан и за украниа, Молдавија и Грузија. Аврамопулос побара и дополнителни напори за одржување на јавниот ред и безбедноста- пишува во соопштението на Европската комисија.
Ова е прв ваков извештај откако еу го усвои механизмот за визна суспензија и откако договорите за визна либерализација на почетокот на оваа година овозможија граѓаните на Грузија и Украина да патуваат слободно во шенген зоната.
Механизмот за суспензија овозможува безвизните режими да бидат прекинати под одредени околности.
