Кинеските научници експериментираа со мутиран вид на коронавирус кој се покажа како 100 отсто смртоносен кај „хуманизирани“ глувци – и покрај загриженоста дека таквото истражување може да предизвика нова пандемија.
Научниците во Пекинг кои се поврзани со кинеската војска клонираа вирус сличен на Ковид и го употребија за да заразат глувци.
ГХ-П2В (GX_P2V) ги нападнал мозоците на глувците кои се „проектирани“ да можат да одразуваат сличен генетски состав како кај луѓето, и така се проценува дека вирусот може да реагира ако со него се заразат луѓе, објавено е минатата недела во студија од Пекинг.
„Ова го нагласува ризикот од пренесување на ГХ-П2В на луѓето и пружа единствен модел за разбирање на патогените механизми на вирусите поврзани со САРС-КоВ-2“, напишаа авторите на студијата.
Смртоносниот вирус е мутирана верзија на ГХ/2017, слична на коронавирусот откриен кај малезиските панголини во 2017 година, три години пред пандемијата.
Сите глувци кои биле заразени со вирусот умреле во рок од само осум дена, а истражувачите истакнуваат дека тоа е изненадувачки брза смртност.
Вирусот ГХ-П2В ги инфицирал белите дробови, коските, очите, душникот и мозокот на глувците и на крајот ја предизвикал нивната смрт.
Во деновите пред смртта, глувците брзо изгубиле тежина, се движеле подгрбавено и тромо. Можеби најстрашното од се, еден ден пред да умрат, нивните очи целосно побелеле, пишува „Њујорк пост“.
Ова е прва студија од ваков вид која извести за сто отстотноста на стапката на смртност кај глувците заразени со вирус поврзан со Ковид и далеку ги надминува резултатите од другите студии.
Но, резултатите од оваа студија не покажуваат јасно како тоа би влијаело врз човечките суштества.
Експертот за епидемиологија на Институтот за генетика при Универзитетот во Лондон, Франсоа Балу, го критикуваше ова истражување и го нарече научно целосно бесмислено.
„Не гледам ништо што би можело да се научи од насилно заразување на необичен вид хуманизирани глувци со случаен вирус.Од друга страна, познато е дека таквите работи можат да тргнат наопаку“, напиша професорот на социјалната мрежа „Х“ (поранешен Твитер).
„Не се наведуваат ниту нивото на биолошка безбедност, ниту пак мерките на претпазливост кои се користени во истражувањето.
Отсуството на овие информации ја зголемува можноста дека дел или целото ова истражување, како она во Вухан од 2016 до 2019 година, кое веројатно ја предизвика пандемијата со Ковид-19, е непромислено спроведено без минимална биолошка безбедност и практики важни за истражување на потенцијални причинители за пандемијата“, истакнува Балу.
Ричард Ебрајт, професор по хемија и хемиска биологија на Универзитетот Ругер, ја поддржа загриженоста на Балу.
„Се согласувам“, вели Ебрајт.
Пензионираниот професор по медицина на Стенфорд, д-р Генади Глински, напиша дека „ова лудило мора да се прекине пред да биде предоцна“.
Се чини дека оваа студија од 2024 година нема никаква врска со кинескиот Институт за вирусологија во Вухан.
