Трета експлозивна направа за два дена скриена во пакет била испратена во базата на шпанското воздухопловство во Торехон де Ардоз, во близина на Мадрид, главниот град на Шпанија.
Вчера беа откриени две писма-бомби во таа земја. Едното писмо беше испратена во украинската амбасада во Мадрид, а другото во компанија на северот на земјата, фирма која произведува оружје, ракетни фрлачи, и ги донира на Киев, соопшти шпанската полиција.
Само едно писмо-бомба експлодира, она првото Првата бомба експлодирала и нанела полесни повреди на еден украински службеник во амбасадата.
Доцна синоќа полицијата потврди дека истражува можна поврзаност помеѓу двете писма-бомби.
Се верува дека инцидентите се поврзани, бидејќи на двата плика со бомбите била напишана иста е-маил адреса.
Во првиот, вработен во украинската амбасада во Мадрид беше повреден кога го отворил писмо адресирано до амбасадорот, поради што Киев нареди зголемени безбедносни мерки во сите свои амбасади во странство.
Украинскиот министер за надворешни работи Дмитро Кулеба им нареди на сите украински амбасади во странство „итно“ да ја зголемат безбедноста и ја повика Шпанија да започне истрага за нападот.
Неколку часа подоцна, компанија за производство на оружје во Сарагоса, североисточна Шпанија, добила сличен пакет.
(Фото: Профимедиа)
