Британскиот регулатор во вторникот ја казни кинеската социјална мрежа ТикТок (TikTok) со 12,7 милиони фунти заради „незаконско“ користење на личните податоци на деца, соопштија од Канцеларијата на комесарот за информации (ICO).
Тие сметаат дека ТикТок им дозволил на 1,4 милиони деца помлади од 13 години во Британија во 2020 година да отвораат профили на нејзината платформа, спротивно на официјалните правила, и дека нивните податоци ги користеле без согласност на нивните родители.
Истрагата открила дека ТикТок не спровеле „соодветни проверки за да ги идентификува и затвори профилите на децата“ кои се премногу мали за да ја користат нивната платформа.
„Во Обединетото Кралство постојат закони со кои се гарантира дека нашите деца се безбедни во дигиталниот свет, а ТикТок не ги почитувал“, рече Џон Едвардс, британскиот комесар за информации.
Белата куќа, Европската комисија, канадската, британската и австралиската влада неодамна им забранија на нивните службеници да користат ТикТок на службените телефони.
Норвешкиот парламент и шведската војска го направија тоа минатата недела.
САД го обвинуваат ТикТок, подружница на кинеската компанија „БјутиДенс“ (ByteDance), дека е алатка на Пекинг за шпионирање и манипулирање со Американците.
