Од утре граѓаните ќе можат да пријават каква било повреда на избирачкото право на бесплатната телефонска линија во канцеларијата на Народниот правобранител.
Бројот на кој што граѓаните ќе можат да пријават неправилности во изборниот период и на денот на гласањето е – 0800 54321.
Телефонската линија е отворена секој работен ден од 8.00 до 16.00 часот.
По пријавата на граѓаните ќе се постапува веднаш по примениот повик или снимената порака.
Народниот правобранител, се наведува во соопштението до јавноста, ги охрабрува сите, веднаш и без двоумење да ја пријават секоја форма на притисок на бесплатниот телефонски број, непосредно во канцеларијата во Скопје или во подрачните канцеларии, а тајноста на податоците, потенцираат, без исклучок е гарантирана.
