Дојави за поставени бомби на локации во Скопје стигнаа на електронската адреса на повеќе институции, меѓу кои и во претседателската палата, трговски центри, медиуми.
Во заканата се наведени и локации во главниот град за, како што вели во писмото, поставени експлозивни направи. Од Министерството за внатрешни работи велат дека веќе почнаа со проверки на локациите.
„Денеска е пријавено дека преку електронските адреси е упатена закана за поставена експлозивна направа до Музеј на град Скопје, Природонаучен музеј, Археолошки музеј, Музеј на ММБ Спомен куќа на Мајка Тереза, ГТЦ, Ист гејт мол, ТЦ ‘Бисер’, Флатајрон, Џевахир, Управен суд, Куќа на претседателот-Вила Водно, хотел ‘Мериот’, хотел ‘Александар Палас’, СЦ ‘Борис Трајковски’, Железничка станица – Скопје и ФФМ. Веднаш по добиените пријави, од полициски службеници се преземени мерки и во тек се антитерористички проверки и се преземаат мерки за расчистување на случаите“, информираат од МВР.
(Фото: Телма)
