Почна судењето на Кристин Лагард во Париз

Судењето на генералната директорка на Меѓународниот монетарен фонд (ММФ) Кристин Лангард поради немарност во случајот на арбитража додека била министерка за финансии на Франција, почна денес во Париз.

Лагард е под истрага од 2014 година и ја негира вината и најави дека ќе побара одлагање на судењето.

И се суди поради последиците од спор кој во 2008 година го водел францускиот бизнисмен Бернар Тапи против една банка, во врска со продажбата на „Адидас“ чиј сопственик е од 1989 година.

Тапи во 2007 година продажбата на компанијата и ја поверил на банката која потоа ја тужел за тоа дека во постапката за продажба го оштетила.

Кристин Лагард, во тоа време министер за финансии, одобрила судскиот спор да се реши со арбитража и државата во 2008 година му исплатила на Тапи 400 милиони евра отштета.

Ако Лагард биде осудена, и се заканува затвор до една година и парична казна од околу 15 илјади евра.