Реалните плати во Германија паднаа за 4 отсто во 2022 година, што е повеќе од очекуваното, објави денеска Федералниот завод за статистика во Визбаден. „Ова е најголем пад на реалните плати во рок од една година од почетокот на водење на статистика во 2008 година“, се вели во соопштението за печатот на Федералниот завод за статистика. На почетокот на март економистите претпоставуваа дека реалните плати ќе паднат за 3,1 отсто.
Главната причина за падот на реалните плати е инфлацијата, т.е. пораст на цените на производите за широка потрошувачка за 6,9 отсто. „Истовремено, номиналните плати се зголемени за 2,6%, што не е доволно за да се амортизира растот на трошоците за живот. Куповната моќ на граѓаните опаѓа“, се вели во соопштението на Сојузниот завод за статистика.







