Ројс го врати Дортмунд на првото место, Порто го демолираше Лестер

Последните натпревари од групната фаза од Лигата на шампиони ги решија сите дилеми, се знае кој во кој шешир ќе биде, како и тоа кој ќе го продолжи натпреварувањето во Лига Европа.

Лестер, до сега единствената непоразена екипа, е демолиран на гостувањето во Португалија.

Порто славеше победа со 5:0.

Навистина, треба да се спомене дека Раниери „пробуваше нешто“, па на теренот не беа Варди, Марез, Морган, Хут, Слимани, Сипсон и Фукс што го искористи домашната екипа.

porto

Легија во групната фаза прими дури 24 гола, но и покрај тоа помина во Лига Европа. Малку кој им даваше чанса, но полската екипа на свој терен со Голот на Гиљермо го совлада Спортинг и дојде на третото место.

Многумина однапред најавуваа дека Реал Мадрид против Дортмунд ќе игра „на сигурно“ за да биде втор и со резервен состав, но Зидан од самиот почеток го изведе моментно најдобрите единаесетмина.

real-dortmund

Бензема постигна два гола за Реал Мадрид и му донесе солидна предност на кралскиот клуб.

Но, гостите не се предаваа. Прво, Обамејанг го намали резултатот, а Ројс на две минути пред крајот донесе бод на Дортмунд и ги врати „милионерите“ на првото место во групата Ф.

Загребски Динамо натпреварувањето во Лигата на шампиони го заврши без постигнат гол. Јувентус вечерва пред своите навивачи ги совлада „сините“ со 2:0.

juventus

Леверкузен, пак, без проблем го победи монако со 3:0, додека Тотенхем ја совлада ЦСКА со 3:1 и така обезбеди влез во Лига на Европа.

Без освоен бод заврши и Клуб Бриж. Белгиската екипа беше совладана од Копенхаген со 2:0, додека мрежите мируваа во дуелот меѓу Лион и Севиља.