Се разгорува судирот на војската на Венецуела и колумбиските бунтовници

Судирите започнати минатата недела меѓу венецуелската војска и една колумбиска вооружена група долж заедничката граница продолжија, што поттикна голем број граѓани на Венецуела да побараат засолниште, во пограничните колумбиски градови.

Колумбиски официјални лица велат дека повеќе од 3.900 луѓе преминале од Венецуела во североисточна Колумбија, пренесува агенцијата АП.

Борбите се водат во пограничната држава Апура во Венецуела.

Колумбиската влада повеќе пати до сега ја обвини Венецуела за пружање засолниште на припадниците на Националната ослободителна војска, како и на дисиденти на регуларната колумбиска војска.

Колумбиското Министерство за надворешни работи изрази загриженост за цивилното население и ја повика меѓународната заедница да се придружи во пружањето помош.

Соопштено е дека семејствата продолжуваат да бегаат преку границата барајќи сигурност, затоа што насилството на тоа подрачје не е во потполност запрено“, изјавила Доминика Арсениук, директорка на Норвешкиот совет за бегалци во Колумбија.

Луѓето со кои разговаравме се преплашени и стравуваат за својот живот“, додала таа.

Венецуелскиот министер за одбрана, Владимир Падрино Лопес, во понеделникот потврди дека судирите почнале во неделата попладнето и дека биле уапсени 32 лица, уништени шест кампови и запленето многу оружје, но не ја именуваше колумбиската вооружена група која е замешана во судирите.

Организацијата „Хјуман рајтс воч“ за АП соопшти дека вооружената група е всушност десничарската „10-ти Фронт“, која ја сочинуваат противници на левичарските Револуционерни вооружени сили на Колумбија.

Колумбија и Венецуела делат околу 2.200 километри граница, но немаат дипломатски односи од февруари 2019 година, после одлуката на венецуелскиот претседател Николас Мадуро да ги протера колумбиските дипломати.

Десничарскиот претседател на Колумбија, Иван Дуке, не го признава Мадуро за легитимен претседател на Венецуела и го поддржува опозицискиот лидер Хуан Гваида.