– Во самоубиствен напад со автомобилбомба, чија цел бил гувернерот на авганистанската провинција Лагман, Рахматула Јармал, загинаа осум лица, а 30 се повредени. Гуверенерот не е повреден, јави германската новинска агенција ДПА.
Меѓу загинатите четворица се цивили, а четворица челнови на обезбедувањето. И меѓу ранетите има цивили.
Засега ниту една група не ја презеде одговорноста за нападот, но во тој регион се активни терористичката Исламска држава и талибанците. Обете екстремистички групи претходно озвршиле бројни напади врз пртеставници на авганистанската власт, персонал за национална безбедност и одбрана, но и цивили. Според Мисијата на ОН во Авганистан, најмалку 1.282 цивили се убиени, а 2.176 ранети во првите шест месеци од годинава.
Насилството се случува во време кога талибанците и авганистанската власт одржуваат историски мировни преговори во Катар, каде талибанците отворија политичка канцеларија кога беа урнати од власт во 2001 година во инвазијата на САД во Авганистан.
