Поранешната италијанска национална авиокомпанија Алиталија почна процедури за колективно отпуштање на преостанатите 2.059 вработени, им беше кажано на синдикатите на компанијата.
Овој потег доаѓа во време кога банкротираниот наследник на Алиталија, ИТА Ервејс, се соочува со пречки во плановите за спојување со германската Луфтханза.
Според пишувањата на италијанските медиуми, преговорите за спојување се заглавени откако италијанското Министерство за економија ги отфрли предлозите на Луфтханза за прилагодување на цената за 41 отсто од акциите на ИТА Ервејс.
Луфтханза тврди дека италијанската авиокомпанија ќе ја загуби вредноста поради лошите перформанси во четвртиот квартал од годината и дека компанијата ќе се придржува до условите од договорот од 2023 година за својата инвестиција во ИТА Ервејс.
Во меѓувреме, Алиталија, која е под специјална управа и се движи кон конечна ликвидација, планира да ги отпушти останатите вработени до крајот на годинава.
Конечното намалување на бројот на вработени вклучува и отпуштања на повеќе од 1.100 стјуардеси и 82 пилоти, кои ќе стапат во сила од јануари, се наведува во писмото што администрацијата минатата недела го испратила до синдикатите на авиокомпанијата.
Фото: ЕПА
