Буџетите во сите држави растат, како што расте економијата. Така што нормално е буџетот да расте, истакна вицепремиерот задолжен за економски прашања Кочо Анѓушев.
Одговарајќи на новинарски прашања за високата прокеција на буџетот за 2019 година, на пауза од 12. годишен работен состанок на министрите за земјоделство од ЈИЕ, подвлече дека растот на бруто домашниот производ мора да се огледа и во растот на буџетот и нема дилема дека тоа е добриот пат.
„Плаќањата од стопанството, практично не се тие што во главно го полнат буџетот. Тоа се другите давачки кои ги има во структурата на буџетот, рече Анѓушев.
Во однос на зголемениот јавен долг за 600 милиони евра за идната година, тој оцени дека јавниот долг во Република Македонија бележи стагнација во зголемувањето.
„Ако го споредиме со зголемувањето на јавниот долг од претходните години ќе видиме дека влегуваме во едни помирни води на задолжување. Ценам дека тоа прави стабилност во фискалната политика на подолг рок.
Таквото задолжување е одржливо и нема да ги ремети финансиските текови во Република Македонија, рече Анѓушев.
