Основачот на Викиликс, Џулијан Асанж ќе се согласи да биде испорачан на САД, ако претседателот во заминување Барак Обама го помилува поранешниот војник Челси Менинг, осуден на протекување на документи, објави компанијата Викилимкс на Твитер.
Ако Обама го помилува Менинг, Асанж ќе се согласи на екстрадиција, пишува во постот на Твитер.
Во прилог на постот има писмо адресирано на американскиот државен обвинител Лорет Линч, во кое адвокатот на Асанж, Бери Полок тврди дека нема легитомна основа за продолжение на истрагата против основачот на Викиликс.
Асанж од 2012 година живее во амбасадата на Еквадор во Лондон, за да ја избегне екстрадицијата во Шведска каде што треба да одговара за наводно силување.
Тој претходно изјави дека се плаши оти Шведска ќе го испорача на САД, каде што го бараат поради објавување на илјадници воени и дипломатски документи кои му ги доставил Менинг.
Менинг, моментно се наоѓа во затвор, каде издржува затворска казна од 35 години, за оддавање на 700.000 чуствителни документи за САД, и до сега два пати се обиде да се убие.
