Биткоинот рано утрово достигна рекордна вредност поставена во 2021 година, зборуваат најновите податоци. Денеска тој надмина 68.791 американски долари.
На 28 февруари, биткоинот за прв пат во две години достигна цена повисока од 60 илјади американски долари, а вредноста на криптовалутата порасна за повеќе од 40 отсто во текот на изминатиот месец.
Претходниот рекорд беше 68.789 американски долари и беше постигнат на 10 ноември 2021 година.
Очигледно, пресуден момент беше одобрувањето на првите ЕТФ-биткоини што се случи на почетокот на годината.
Тие набрзо станаа вистински хит, што доведе до голема раздвиженост на берзата, што пак ја доведе цената на криптовалутата до рекордни височини.
Инвеститорите поитаа кон фондовите уште од нивното покренување на 11 јануари, а вкупните средства во десетте американски ЕТФ-биткоин фондови на пазарот пораснаа на речиси 50 милијарди долари.
Само „Блек Рок Биткоин Труст“ собра 10 милијарди долари во средства во четвртокот, најбрзо што еден нов ЕТФ некогаш го достигнал тој износ.
„Полетувањето“ на биткоинот е поттикнато од инвеститорите во Азија. Трговците во Јужна Кореја, Кина и други азиски земји се одговорни за приближно 70% од обемот на тргување со биткоини, слично како во 2021 година кога таа крипто валута последен пат достигна толку високи нивоа, според податоците од крипто берзата.
