БРЕД ПИТ го продаде својот имот во населбата Лос Фелиз во Лос Анџелес каде што живееше со поранешната сопруга Анџелина Џоли и нивните деца. За куќата, која првично ја платил 1,7 милиони долари, холивудскиот актер постигнал цена од 39 милиони долари (36 милиони евра), пренесува TMZ.
Имотот првично беше проценет на 45 милиони долари во јануари, но не е познато што предизвикало пад на цената. Имотот кој се простира на речиси четири илјади квадратни метри има сала за бал, скејт парк, кино, базен, тениски павилјон, гаража за мотори, камена куќа и езеро.
ФОТО: INDEXHRПретходниот сопственик тврдел дека куќата била опседната Куќата ја купил во 1994 година од Касандра Петерсон и со текот на времето ја проширил градината купувајќи повеќе околно земјиште и го исполнил просторот со различни полиња за активности.
Интересно е тоа што кога го купувал имотот на хорор иконата Елвира, актерката тврдела дека нејзиниот дом е „опседнат“. 59-годишникот живеел тука со семејството до нивното разделување во 2016 година, а сега наводно сака да се пресели за својата нова девојка, дизајнерката на накит Инес де Рамон (29), и јасно е дека немаат намера да живеат во куќата. Двојката започна да се забавува во ноември и, според извор близок до ѕвездата, станале „неверојатно блиски“ во последните месеци.
Извор за Дејли Мејл открил дека Бред ја запознал Инес со „повеќето“ од шесте деца што ги има со Анџелина – Медокс, Пакс, Захара, Шајло, Нокс и Вивиен.
