Македонија е заробена држава во која царува криминалот, корупцијата и политичките притисоци. Во Македонија не се суди според законите или Уставот во Македонија, судските одлуки се донесуваат така како што ќе каже владата и хунтата на власт.
60 дена неосновано и во исклучително лош третман се чува борецот за човекови права и единствениот македонски градоначалник Едмонд Темелко. Тој доби уште 30 дневен притвор, а СЈО го одби барањето на адвокатите во петокот да биде ослободен. Одлуката за куќен притвор е донесена по најавите на протести. Тоа е изнудена одлука. Одлуката за домашен притвор на Едмонд Темелко не е доволна. Потребно е да се ослободи и од домашен притвор бидејќи тој не е виновен за ништо.
Случајот „Монструм“, како и сите други случаи на СЈО покажуваат дека имаме заробено судство кое работи под команда и заробена држава во која нема правда или таа е селективна. Имаме ситуација во која убиците на децата од Смилковско езеро многу веројатно ќе се ослободат но затоа Едмонд Темелко е во куќен притвор, патриотите од 27-ми април се во затвор, а криминалците на слобода.
Тој двоен аршин создава заробена држава, држава во која СДС преку СЈО и уценетето судство монтира случаи и осудува луѓе. Стоп за неправдите. Токму затоа ВМРО-ДПМНЕ ќе организира народен собир на 3-ти декември против сите неправди на хунтата на власт.
Од тие причини, ВМРО-ДПМНЕ најавува граѓански протест за правда и правдини кој што ќе се одржи на 3-ти декември во недела во 18 часот.
Центар за комуникации на ВМРО-ДПМНЕ
