Припадници на Агенцијата за истраги и заштита на Босна и Херцеговина (СИПА) во Сараево уапсиле државјанин на Македонија по кого била распишана меѓународна потерница издадена од Интерпол од Скопје.
Уапсениот, чиј идентитет не е соопштен, се барал по пресуда на Основниот суд во Струмица за извршени кривични дела насилно однесување и лажно претставување, односно заради извршување на изречената казна во траење од пет години и осум месеци, соопштуваат од СИПА.
Припадниците на СИПА по сознанието дека лицето се наоѓа во Центарот за мигранти, после извршениот разговор и направените дополнителни проверки со цел да го потврдат идентитетот, осомничениот го лишиле од слобода во вторникот на 5 декември.
После тоа ова лице било префрлено во службените простории на СИПА поради криминалистичка обработка, а следниот ден, во склад со договорот со судија на претходна постапка, е предадено во понатамошна надлежност на судот во БиХ.
