Професор д-р Драган Даниловски својот став по случувањата на Клиниката за онкологија го искажа на Фејсбук.
Вели дека ова што се случува е голем срам.
„Никогаш веќе пациент нема да влезе во докторска ординација без студени морници да му пролазат долж ‘рбетот, прашувајќи се: И овој да не е од „таквите“? Е, не се сите такви, ама, „покрај сувото, гори и суровото“. Овој срам никогаш нема да си го испереме! НИКОГАШ! – објави Даниловски.
Тој додава:
„Во крајна линија, ова е пораз и срам (и) за нас, професорите на Медицинскиот факултет. Зашто, сите овие што ги фатија „со рацете во медот“ биле наши студенти. На кои не сме успеале да им вградиме основни етички принципи.
По ѓаволите, ќе да беа залудни сите мои 40 години стаж“, пишува меѓудругото Даниловски.
