По речиси едночасовно превирање со обезбедувањето на Митревски, полициска асистенција, искршено стакло од врата, Дарко Димовски, легитимниот претседател влегол во зградата на ССМ.
Обезбедувањето на Митревски не сакало да го пушти Димовски со образложение дека има наредба од претседателот и покрај тоа што Димовски го приложил решението од Централниот регистар со кое докажува дека тој е претседател.
Живко Митревски од својот наследник побарал неколку часови за да се подготви за примопредавањето на претседателската фотелја кое е закажано за 15 часот.
Новиот претседател, Димовски, го одржал првото претседателство и рекол дека почнуваат со работа веднаш.
„Значи сега сме сите на работа, ако сме тука на деветти кат, се да биде фер и веродостојно до примопредавањето.
„Му даваме време да ги спреми документите и во три часот Митревски да го направи примопредавањето, а ние до тогаш ќе си работиме тековно.
„Знаете дека сме иселени од канцелариите, сега треба службите да ги отклучат канцелариите да видиме во каква состојба се“, изјавил Дарко Димовски – в.д. Претсдател на ССМ.
Четирите најголеми грански синдикати кои Митревски ги исфрли од ССМ, од денеска ќе почнат повторно да ги вселуваат своите работи на старото работно место. Димовски кој веќе девет месеци ја води синдикалната битка пред институциите вети зајакната борба за работничките права.
Освен гранските синдикати, оставка од Митревски бараа и независните синдикати потписници на повелбата за солидарност.
