Утре, традиционално во 12 часот на пладне Дедо Мраз ќе пристигне на Плоштад Македонија, информираат од Град Скопје.
„Годинава, најпознатиот дедо на светот , заедно со своите придружници во Скопје ќе пристигне во еко мобил и ќе ни ја пренесе пораката дека мораме да ја чуваме планетата, да се грижиме за екологијата и дека секој од нас може и мора да продонесе за почиста животна средина.
„Дедо Мраз ќе го пречекаат Златните Славејчиња а по неговото пристугнување тој со неговата дружина ќе ја одиграат претставата „Дедо Мраз во пензија“ и ќе и се придружат на веселата музичка парада“, велат од Градот.
Додаваат дека „Улицата на радоста“ на Плоштад Македонија е највеселото место, особено за најмладите, а илјадници граѓани ја посетиле во изминатите денови и се забавувале со детската новогодишна програма.
„Посетителите имаа можност да прошетаат и си одберат подароци или пак да се стоплат со вкусен и топол напиток“, велат од Град Скопје и во името на градоначалникот Петре Шилегов им ја честитаат Новата година на сите деца во Скопје.
